ЕТИЧКИ КОДЕКС

Етички кодекс за оценувањето на постигањата на учениците, директорот и стручните соработници во училиштата прифаќаат:

– да создаваат култура на правично и фер оценување во училиштето;

– да ги заштитуваат правата на приватност во оценувањето;

– да спречат евентуална злоупотреба на резултатите од оценувањето на учениците;

– да обезбедат правен процес на жалби во врска со оценувањето;

Наставниците прифаќаат:

– да бидат непристрасни, објективни, позитивни, отворени и подготвени да им дадат поддршка и помош на учениците во процесот на оценување;

– со своето однесување во процесот на оценување да промовираат високи морални вредности и да бидат пример за учениците;

– да ја избегнуват секоја ситуација што може да претставува конфликт на интереси непристрасно и непринципиелно однесување во процесот на оценување;

– да одбијат секаков вид интервенција или поткуп понуден со цел да дадат оценка поголема од заслужената;

– да се спротистават на неетичко однесување на други субјекти во оценување ученици, родители и колеги;

– во процесот на оценувањето да ја почитуваат личноста на ученикот и неговите родители;

– да водат грижа за приватноста на ученикот и сознанијата за неговото учење, да не ги споделуват со лица кои не се дел од процесот на наставата;

– да соработуваат со колегите со цел да се подобри оценувањето;

– при оценувањето да не прават дискриминација на учениците по било која основа

Родителите прифаќаат:

– да го подржуваат учењето на своите деца преку залагање за фер оценување;

– да се воздржат од активности кои неоправдано би ги довеле нивните деца до повластена положба во оценувањето во однос на другите деца;

– да ги почитуваат професионалните односи и совети на наставниците во врска со оценувањето на нивните деца;

– кај своите деца-ученици да почитуваат чесен и фер однос и со своето однесување во врска со оценувањето на постигањата на учениците да им бидат пример за тоа;

– кај своите деца да ги препознаваат и спречуваат евентуалните обиди со недозволени постапки да добијат поволна оценка од објективно утврдената;

Учениците прифаќаат:

 – да се залагаат за праведно и фер оценување на сите ученици и да се спротиставуваат на појави кои доведуваат до необјективно оценување;

– да ги почитуваат барањата и договорените процедури во врска со оценувањето и да се информираат за последиците од нивното непочитување;

– да не поставуваат неприфатливи барања во врска со оценувањето на нивните постигања;

– да ги почитуваат советите на наставниците поврзани со оценувањето и учењето;

– да не се служат со недозволени постапки во текот на презентирањето на бараните знаења и вештини и да одбегнуваат да вршат какво било влијание ( непосредно или посредно) со цел некој ученик да се здобие со повисока оценка од реално заслужената;

Службениците во институциите надлежни за Образованието на државно и на локално ниво го прифаќаат: ООУ “Коста Рацин“ Подареш како Училиште по мерка на учениците

– да обезбедуваат навремено подготвување и донесување на квалиетни нормативни акти (закони, правилници, упатства и др.) со кои се регулира оценувањето на напредокот на учениците и да се грижат за нивната доследна примена во практиката;

– навремено и непристрасно да реагираат на приговори, жалби, молби и слично во врска со оценувањето за чие разрешување се надлежни, а кои се поднесени од учениците и нивните родители;

– информациите (резултатите) од оценувањето што им се службено достапни, да не ги користат за ненаменски цели и на начин кои би произвеле негативни последици за учениците или би довеле до несоодветни одлуки во образованието;

– професионалната позиција да не ја користат во приватни цели, поврзани со оценувањето во некое училиште или на некој ученик;

– Поддржано од Државен просветен инспекторат

– Биро за развој на образованието и ЗЕЛС

Појдовни вредности:

• Почитување,
• Демократичност,
• Чесност,
• Праведност,
• Интегритет,
• Храброст